Қазақстандық павильонға министр Нұрлан Ермекбаев бастаған ҚР Қорғаныс министрлігінің өкілдері келіп, зауыттардың өнімдерін бағалап, өндірісте сәттілік тіледі. Сондай-ақ қазақстандық павильонның құрметті қонақтары РФ-ның Үкіметі төрағасының орынбасары Юрий Борисов, РФ-ның Өнеркәсіп және сауда министрі Денис Мантуров, РФ-ның Қорғаныс министрі Сергей Шойгу болды. «Армия-2021» халықаралық әскери-техникалық форумы ғылыми-техникалық қару-жарақтың үздік жетістіктерін көрсетуге арналған бірегей базалық платформа болып табылады. Іс-шараға 28 мыңнан астам өнім мен технология үлгілерін ұсынатын 1,4 мыңнан астам кәсіпорын қатысуда. Статистикалық экспозицияның жалпы ауданы 330 мың шаршы метрден асады.
Ұлттық стендтің көрме операторы 2022 жылғы 25–28 мамырда Нұр-Сұлтан қаласында өтетін «KADEX-2022» халықаралық қару-жарақ және технологиялар көрмесінің ұйымдастырушысы болып табылатын «Астана-Экспо КС» көрме компаниясы болып табылады.