Flora Expo Astana халықаралық гүл өсіру және көгалдандыру көрмесінің қорытындысы

2024 жылғы 10 – 12 сәуір аралығында Астана қаласындағы «EXPO» халықаралық көрме орталығында Flora Expo Astana 2024 өтті – бұл гүл өсіру, көгалдандыру, бақ шаруашылығы, ландшафттық дизайн және қала сыртындағы жайластыру саласындағы кәсіпқой мамандардың басты кездесу орны.

Іс-шараны ұйымдастырушы: Astana Expo компаниясы. Бірлескен ұйымдастырушы: ГринЭкспо көрме компаниясы (Мәскеу қаласы, Ресей). Бас демеуші 3D Flowers көтерме сауда компаниясы болды, тіркеу демеушісі – Florexim.

Көрме аясында Garden & Village және Eco Expo Astana мамандандырылған экспозициялары ұйымдастырылды.

2024 жылы көрме экспозицияның 35%-ға өсімін көрсетіп, қатысушылардың саны бойынша жаңа рекорд орнатты. Іс-шараға Беларусьті, Нидерландты, Польшаны, Қазақстанды, Қытайды, Колумбияны, Кенияны, Ресейді, Израильді, Өзбекстан мен Эквадорды қоса алғанда, әлемнің 11 елінен 130-дан астам экспонент қатысты.

Компаниялар келесі тақырыптық бөлімдер бойынша жаңа өнімдері мен бестселлерлерінің кең таңдауын паш етті: кесілген және құмыра гүлдері, өсімдіктер, отырғызу материалы, баданалар, ағаштар мен бұталардың көшеттері, өсімдіктердің күтімі және оларды қорғау бойынша құралдар, көгалдандыру және ландшафттық дизайн қызметтері, флористика, техникалық шешімдер мен технологиялар, гүл бизнесі және логистика, бақты жайластыру, бақ жиһазы мен құралдары, қала сыртындағы жайластыру,

эко-тауарлар мен шешімдер және т.б.

Көрмеде, негізінен, әлемдік жетекші өндірушілер мен өнім берушілердің гүлдері мен өсімдіктері ассортиментінің жаңалықтары ұсынылды.

Ең үлкен шетелдік экспозиция гүлдерді сату жөніндегі әлемдік көшбасшы – Нидерланд Корольдігінде болды. Нидерланд делегаттарының арасында: Decorum, Greenworks International, Deliflor Chrysanten, Dekker Chrysanten, Linflowers Chrysanten, Haakman Flowerbulbs, Dümmen Orange, Vannova, 247flower.online, Schreurs Holland, Zentoo, Enigma Flowers Trading BV, FEX BV және т.б.

Көрмеде Эквадордан келген 20 компанияның экспозициясы да ұсынылды. Компаниялардың арасында: AnniRoses, Flores Verdes, Tessa, Rosas Del Corazon, HojaVerde, SunRite Farms, Matiz Roses, Ecualand, EBF Cargo, Florisol & Co, Galaxy Flowers, D&C Cargo, Impex Flowers, RaD iLALO және т.б.

Көрменің бас демеушісі 3D Flowers, өз стендінде Нидерланд пен Эквадордан жаңа кесілген гүлдердің кең ассортиментін көрсетті. 15 жыл бойы 3D Flowers Қазақстанға авиациялық көлікпен, оның ішінде Кито мен Амстердамнан Қарағандыға тікелей рейстермен гүлдердің көтерме жеткізілімдерін жүзеге асыра отырып, сапа мен сенімділік стандарттарын белгілеп келеді.

Нидерландтық гүл өндіруші Dümmen Orange Pastela Pink, Pastela Sunny, Kaya және Let's Go Pink сияқты бірегей хризантемалардың сорттарын алғаш рет көпшілікке көрсетті.

Эквадорлық гүл өндіруші Flores Verdes Kazakhstan Heritage деп аталатын раушанның жаңа сортын ұсынды. Қазақстанның ұлттық туының сары-көгілдір реңктеріне боялған бұл раушандар компанияның елімізге алғаш рет келуіне орай арнайы жасалды.

Кениялық Subati Flowers компаниясы, өз кезегінде, келушілерге бұталы раушандарды, жазғы гүлдер мен гүл шоқтарына арналған толтырғыштарды көрсетті.

Өзбек қатысушысы Tasflora көрмеде дебют жасап, классикалық раушандардан бастап индустриялық орындаудағы бұтақты хризантемаларға, альстромерияларға, бұталы раушандар мен таушымылдықтарға дейін түстерінің әртүрлігімен көптің назарын аударды.

ProFlowers қазақстандық көтерме сауда компаниясы бүкіл Қазақстан бойынша жеткізілімімен гүлдерге, өсімдіктер мен декорға жылдам тапсырыс беру үшін өзінің «Биржа» атты инновациялық онлайн-сервисін алғаш рет көрсетті.

Ең жарқын стенд Bloom гүлдерді сату жөніндегі көтерме сауда компаниясына лайықты түрде тиесілі болды. Компания көрмеге BUSINESS ECUADOR, ALLIANCE LOGIZTIK, MILAN FLOR, FLOR AROMA, WORLD ROSES CENTER, SAPPHIRE компанияларын қоса алғанда, эквадорлық серіктестерімен бірге қатысты.

Joy Gardens бақ орталығы Felco және Verdemax әлемдік брендтерінің заманауи бақ жабдықтарын, норма фитингтер мен рейн суару жүйелерін ұсынды.

Village қала сыртындағы жайластырудың көше экспозициясында ARMAS компаниясы алғаш рет талшын пішінді ағаш пен металдан жасалған ең жаңа қыш құмыраларды, сондай-ақ дизайн мен функционалдылықтағы инновацияларға деген ұмтылысын ерекше көрсете отырып, дөңгелек лаундж-күркені көрсетті.

Art-Flowers, Invos Flowers, Jardin Design & Production, Florexpress, Ecoculture, Zhuldyz Flowers, Black Tulip, ZION, Dolina, FATAKI, Бағбан КЗ, Green Garden, StrogoOrganic сияқты және т.б. компаниялардың стендтері үлкен назар аудартты.

Гүл-бақ бизнесін дамытудың, отырғызу материалдары нарығының жай-күйі мен дамуының, цифрландырудың және серіктестік байланыстарды орнатудың өзекті мәселелерінің кең ауқымы бойынша пікірталастарды қамтыған мазмұнды іскерлік бағдарлама көрменің маңызды ерекшелігі болды.

Көрменің іскерлік бағдарламасына қатысушы компаниялардың өкілдері ғана емес, сонымен қатар, шақырылған сарапшылар мен мамандар да қатысты. Спикерлердің жалпы саны 40 адамды құрады.

Барлық көрме алаңдарында 45-тен астам бизнес-іс-шара өткізілді, бұл өткен жылмен салыстырғанда екі есе көп.

Дәстүрлі түрде, «ҚР жағдайындағы орнықты отырғызу материалы» конференциясы басты кәсіби оқиға болды. «Жасыл» нарықтың сарапшылары Қазақстан астанасын көгалдандыру Жарғысы, қала тұрғындары мен бизнесті қаланы көгалдандыру процесіне тарту, отырғызу материалы саласының даму перспективалары сияқты және т.б. тақырыптардың кең ауқымын талқылады.

Тағы бір жарқын іс-шара Netherlands Day – Нидерланд Корольдігінің Қазақстандағы Елшілігінің қолдауымен ұйымдастырылған Нидерланд күні болды. Іс-шарада Green Works International, Decorum және WF LEENEN компанияларын қоса алғанда, нидерландтық гүл мен өсімдік өндірушілер таушымылдықтарды, ранункулюстар мен нәркестерді өсіру туралы білімімен бөлісті, сондай-ақ Royal Flora Holland голландиялық аукционының жаңалықтары мен жұмысының ерекшеліктерін талқылады.

Flora Talks семинарында спикерлер гүл бизнесін дамытудың негізгі аспектілерін: Rosas del Corazon плантациясы ұсынған премиум-сегментті раушандарды сатудың табысты стратегияларынан бастап INSPIRO негізін қалаушы бөліскен бизнесті масштабтау әдістеріне дейінгі мәселелерді талқылады. Сонымен қатар, Florist Cloud көмегімен гүлдердің көтерме саудасының жұмысын автоматтандыру тақырыптары және Biflorica компаниясынан ең жақсы бағамен гүлдерді сатып алу стратегиялары қозғалды.

Қызғалдақтарды көктету бойынша семинар толық залды жинады. Галантус және Находка Полесья компанияларының өкілдері қызғалдақтарды көктетудің шағын айлалары мен қызғалдақтарды экспорттау мүмкіндіктері тақырыптарында сөз сөйледі, сондай-ақ тыңдаушылардың сұрақтарына жауап берді.

Үйреншікті гүлдерден әсерлі композицияларды жасау тақырыбында өнер көрсеткен нидерландтық Flower Circus компаниясының әйгілі виртуоз дизайнері Марк Френктің шоу-көрсетілімі флористтерді таңғалдырды.

«Алтын Гүл-2024» Қазақстан флористтерінің 6-шы чемпионаты көрменің нағыз безендіруі болды. Барлық конкурстық тапсырмалардың ортақ тақырыбы: «Қазіргі заманғы үйлену тойы». Чемпионатқа қатысушылар

3 конкурстық тапсырманы орындауда бақ сынасты: Үйлену тойын безендіруге арналған композиция, Заманауи үйлену гүлшоғы, Тосын тапсырма.

Чемпионатты белгілі ресейлік флорист-дизайнер Сергей Карпуниннің (Мәскеу қаласы, Ресей) төрағалығымен құрметті Қазылар алқасы: флорист-дизайнер және техникалық комиссияның төрайымы Наталья Михалева (Таллин қаласы, Эстония); флорист-дизайнер және кәсіби флористикадан Ресей чемпионы (2021) Ольга Шарова; сондай-ақ «Алтын Гүл» Кәсіби флористикадан Қазақстан ашық чемпионатының чемпионы (2013 және 2014 жж.) Марина Шиповская (Астана қаласы, Қазақстан) бағалады.

Чемпионат қазылар алқасының бағалауы бойынша бірінші орынды – Аббаспур Саид Али (Астана қаласы, Қазақстан), екінші орынды – Екатерина Корчагина, «Флористика мектебі» (Алматы қаласы, Қазақстан), үшінші орынды Қуаныш Оспанова, «Global Flowers» ЖШС (Астана қаласы, Қазақстан) иеленді.

Көрме өзінің халықаралық маңыздылығын ерекше көрсете отырып, Қазақстанның барлық өңірлерінен және 24 шет елден 3430 кәсіпқой маманды тартты. Астанаға қонақтардың ең көп саны Ресейден, Қырғызстаннан, Әзербайжаннан, Нидерланд пен Өзбекстаннан келді, бұл Қазақстанда және оның шегінен тыс жерлерде гүл-бақ индустриясын дамытудағы көрменің танымалдығы мен маңыздылығын растайды.

Іс-шараға гүлдер мен өсімдіктерді сату жөніндегі көтерме және бөлшек сауда компаниялары, питомниктер мен бақ орталықтарының иелері, гүлдер мен өсімдіктердің дилерлері, флористтер, декораторлар, дизайнерлер, көгалдандырушылар, қайырымдылық компанияларының, мейрамхана-қонақүй бизнесінің өкілдері, мемлекеттік органдар, қала сыртындағы өмір салтын ұнататын адамдар, эко-белсенділер және т.б. қатысты.

Flora Expo Astana гүл өсіру мен көгалдандырудың кәсіпқой мамандары үшін маңызды оқиға, сондай-ақ өзгермелі нарық жағдайында бизнесті дамыту үшін тиімді құрал мәртебесін жыл сайын растайды. Іс-шара жаңа сын-қатерлерге бейімделіп, қатысушыларға саладағы бизнесті дамыту және ілгерілету үшін ең перспективалы мүмкіндіктерді ұсынады.

Қазірдің өзінде келесі жылға жаңа күндер жарияланды. 2025 жылғы 9-11 сәуірде Flora Expo Astana халықаралық гүл өсіру және көгалдандыру көрмесіне қатысуларыңызды асыға күтеміз!